ceedees

Jan Oosterhof brocht tot op heden twie ceedees uut in een beparkte oplaoge. Die beparkte oplaoge het een reden. Op disse meniere wil Jan de ceedees veur de liefhebber beschikber stellen. Dat betekent ok, daj' d'r al een klein betien muuite veur doen moeten om d'r iene in bezit te kriegen. Dat kan op drie menieren. Zo kuj' bi'jgelieks naor boekhaandel Zwikstra in Wolvege gaon om d'r iene te kopen. Ok kuj' een ceedee kopen bi'j een optreden van Jan (of van Krieties). En de dadde meugelikhied is, d'r iene te bestellen via e-mail. In et leste geval komt d'r vanzels nog al een kleine bi'jdrege in de verzendkosten bi'j (2 euro). Mar goed, aj' liefhebber bin, is dat de muuite niet weerd. Toch? Oh ja, een ceedee kost mar een tientien! Da's ja haost ommenocht!

Stroffelen...en staon gaon
verscheen in 2001. Een aorige variaosie an nommers. Van serieuze luusterlieties tot een slordige drie minuten oonzin an toe. Op 'Stroffelen...en staon gaon' staon de volgende nommers:

1. Dwaelen
2. Zappen
3. Schulke
4. Haarm
5. Stroffelen
6. Soezen
7. Graddus
8. Verleuren
9. Karkbazar
10.Knillis
11.Traonen
12.Kortjakje

Zunnecremekussies
is verschenen in 2005. Ok disse ceedee is slim varieerd. Et grootste pat van de nommers bin zowel qua tekst as meziek uut Jan zien eigen fantesie ontstaon. Veur een peer nommers het hi'j (uuteraord mit toestemming) gebruuk maeken kund van lieties van de 'Wise Guys', een Duutse a-capellagroep uut Keulen.

Op 'Zunnecremekussies' staon:
1.   Zunnecremekussies
2.   Kiender
3.   Powervrouw
4.   King of the road
5.   Sperwer
6.   Verleuren
7.   Maegien lach now toch
8.   Traonen
9.   Sukelaodekoekies
10. Herinneringen
11. Stinken jonge!
12. 'k Wol et wel es weten
13. Soezen
14. Pieter Pelle
15. Stanley